30. ਭਾਈ ਸਕਤੂ ਅਤੇ ਭਾਈ ਪਰਸਰਾਮ ਜੀ

ਭਾਈ ਸਕਤੂ ਅਤੇ ਭਾਈ ਪਰਸਰਾਮ ਜੀ ਵੀ ਛੈਵੇਂ ਗੁਰੂ, ਸ਼੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਦੇ ਪ੍ਰਮੁੱਖ ਸਿੱਖਾਂ ਵਿੱਚੋਂ ਇੱਕ ਸਨ। ਤੁਸੀ ਦੋਨਾਂ ਹੀ ਰੂਹੀਲਾ (ਹਰਿਗੋਬਿੰਦਪੁਰ) ਦੀ ਲੜਾਈ ਵਿੱਚ ਵੱਡੀ ਹੀ ਬਹਾਦਰੀ ਦੇ ਨਾਲ ਲੜੇ। ਇਹ ਲੜਾਈ ਦੋ ਦਿਨ ਤਲ ਚੱਲੀ। ਆਪ ਜੀ ਨੇ ਦੁਸ਼ਮਨਾਂ ਨੂੰ ਚੀਰਦੇ ਹੋਏ ਸ਼ਹੀਦੀ ਜਾਮ ਪੀਤਾ। ਗੁਰੂਬਿਲਾਸ ਪਾਤਸ਼ਾਹੀ ਛੈਵੀਂ ਦਾ ਲੇਖਕ ਭਾਈ ਸਕਤੂ ਜੀ  ਦੀ ਬਹਾਦਰੀ ਦਾ ਜਿਕਰ ਅਜਿਹੇ ਕਰਦਾ ਹੈ:

ਪਿਰਾਗਾ ਮਥੁਰਾ ਸੂਰ ਭਨ ਜਗਨਾ ਜੋਧ ਅਪਾਰ ॥

ਪਰਸ ਰਾਮ ਮੋਲਕ ਸਕਤੂ ਸਤ੍ਰੁ ਸੰਘਾਰ ॥67॥

ਪਰਸ ਰਾਮ ਸਕਤੂ ਤਬੈ ਬਿਨਤੀ ਕਰੀ ਅਪਾਰ ॥

ਮਹਾਰਾਜ ਆਗਯਾ ਕਰੋ ਤਵ ਬਲ ਸਤ੍ਰੁ ਸੰਘਾਰ ॥155॥

ਗੁਰੂ ਕੀਨ ਆਗਯਾ ॥ ਚਲੇ ਪ੍ਰੇਮ ਪਾਗਯਾ ॥

ਕਛੂ ਸੈਨ ਲੀਨੀ ॥ ਨਹੀ ਸੰਕ ਕੀਨੀ ॥156॥

ਦੁ ਮੂਐ ਸੁ ਸੈਨਾ ॥ ਕਹੈ ਲਾਲ ਨੈਨਾ ॥

ਤਬੈ ਬਾਨ ਡਾਰੇ ॥ ਈ ਸੁ ਮਾਰੇ ॥157॥

ਸੁ ਲੋਖੰ ਕਿਨਾਰਾ ॥ ਬਹੀ ਲੋਹ ਧਾਰਾ ॥

ਸਿਵਾ ਗੀਤ ਗਾਵੈ ॥ ਕਿ ਮੁੰਡੰ ਬਨਾਵੈ ॥158॥

ਕਹੂ ਬਾਜ ਮਾਰੇ ॥ ਕਹੂ ਪੋਟ ਫਾਰੈ ॥

ਕਹੂ ਰੂਹ ਛੁਟੰ ॥ ਕਹੁ ਸੀਸ ਫੁਟੰ ॥159॥

ਨਦੀ ਸ੍ਰੋਣ ਪੂਰੰ ॥ ਫਿਰੇ ਗੈਣ ਹੁਰੰ ॥

ਛਿਦੰ ਦੇਹ ਲਾਗੇ ॥ ਫਿਰੈ ਸੂਰ ਭਾਗੇ ॥160॥

ਕਾਗੜਦੰ ਕੋਪੀ ਮਾਗੜਦੰ ਸੈਨਾ ॥

ਤਾਗੜਦੰ ਤਯਾਗ ਯੋ ਬਾਗੜਦੰ ਬੀਰੰ ॥161॥

ਫਾਗੜਦੰ ਫੀਲੰ ਛਾਗੜਦੰ ਛੁਟੇ ॥

ਰਾਗੜਦੰ ਸੁਰੰ ਜਾਗੜਦੰ ਜੁੱਟੇ ॥

ਬਾਗੜਦੰ ਬਾਜੇ ਨਾਗੜਦੰ ਨਗਾਰੇ ॥

ਜਾਗੜਦੰ ਜੋਧਾ ਮਾਗੜਦੰ ਮਾਰੇ ॥162॥

ਇਹ ਬਿਧਿ ਸੈਨ ਸੰਘਾਰ ਕਹਿ ਘਨੋ ਘਰਨ ਕੋ ਗਾਰ ।

ਪਰਸ ਰਾਮ ਸਕਤੂ ਤਬੈ ਧਰਨ ਮੁਰਛਾਰ ॥163॥

ਜੜੰ ਬਿਸਾਨ ਜੋਧੇ ਤਬੈ ਧਰੇ ਦੇਵ ਤਨ ਰੂਪ ॥

ਦਿਖਿ ਬਿਧੀਆ ਬਿਸਮੈ ਭਯੋ ਮਨਹੁ ਇੰਦ੍ਰ ਵਰ ਰੂਪ ॥164॥